| Notes |
- 3 juli 1615:
In de marge: dese t'sestich daler an Arndt ten Santberge und Thien daler an Grietken ten Santberge, bekende Wijchmoet ten Santberge betaelt te sijn, Signat den 3. Martij 1618.
Erschenen Henrick ten Santberge, kranck van lijve, nochtans goeden vernuffts und verstandes, so an hem niet anders toesien und hoeren, betrachtende die stunde sijnes doodts und derselver onsekerheit, und hefft vrijwillich und naest goeden voerbedacht, bester formen Rechtens donatione mortis causa gedoniert und legiert, doende solcx krafft deses, sijnen broeder Arndt ten Santberge die Summa van t'Sestich daler und desselven Arndts dochter Grietken ten Santberge, Sestich daler. Item Stijntken ten Santberge, Werners und Lijskens eheluiden dochter Vijfftien daler, sijnde int goet ten Santberge belagt. Und Willem ten Sandtberchs dochter Merrijken Twintich daler, allesBredefortscher geweerden uth sijnen guederen voeraff t'entrichten und toebetalen. Sijnen andere gereide und ongereide guedere . und Nalatenschap an sijnen dochter und Naesten erven toe devolvieren und toe vererven Und is deses alsoe gecediert und uthgegaen, Daerop mit hant, halm und monde vertegen, waerschap und vestniss gelaefft nae Landtrechte. Sonder exceptie und argelist.
in de marge: Anno 1629 den 30. Maij bekanden Bernt Munster Grietken ten Santberge eheluide, Ihnen haer Legaet betaelt te sijn.
Bron: Henk Ruessink (transcriptie), ORA Bvt inv.nr. 388 fol. 38v, 39
22 november 1616:
Erschenen Willem Samberch, onderrechter toe Steenderen, Anna eheluijde, die bekanden voer sich und haren erven, in behoeff und van wegen harer dochter Marrie, sodane Twintich daler, als Henrick ten Samberge zaliger haer Marrien in sijnen lesten vermaeckt und doniert, van Geesken Wehninck, wedtwen gemeltes Samberchs ontfangen toehebben, Bedanckten sich in namen harer Dochter derselven goeder betalong, quitierende daerop in krafft deses, Gelavende dieselve twinttich daler harer dochter toetrichten und frow Samberge vorschreven sampt hare erven van alle namanongh desswegen toerelevieren. Bij veronderpandongh aller harer goeder. Sonder argelist.
Bron: Henk Ruessink (transcriptie), ORA Bvt inv.nr. 389 fol. 60
|
Achterhoek Ancestors
