| Notes |
- 2 april 1616:
Erschenen Mette wedtwe Henrick Gossincks, voorth Geerdt Gossinck voer sich Fije sijner huisfrouwen, Johan Gossinck Geesken sijn huisfrow, Henrick Gossinck Berntken sijn huisfrow, und Herman Gossinck Jenneken sijn huisfrow, respective Moeder, Kindere und gebroedere, und avergeven ein Verdragss- und respective Koipzedell und hebben malckanderen und die Moeder vermitz Herman Poelhuiss haren tot deser saecken erkoren und toegelatenen Mombaer inholdts derselven, und sonderling die Moeder und Drie Kinder und huisfrouwen vorschreven Ihme Geerdt Gossinck Fijen sijner huisfrouwen und haren erven des Erffs und guedts Gossinck, sampt toebehoers und gerechticheit, cession , opdragt und uthgangk gedaen, Daerop mit hant, halm und monde vertegen, Waerschap und vestniss gelaefft nae Landtrechte. Bij veronderpandong harer respective haab und guederen. Sonder exception und argelist. Luidende die Verdrags- und Koipzedull vorschreven van woort tot woorde als volgt:
Alsoe huide date den Achttienden Mart Anno 1616 die Moeder van Salige Hijnderick Gossincks mit namen Mette und ihre Vier Sonne als Geerdt, Jan, Harman, Hijndrick, ..doer last und uth beveel Hoger Avericheit und een ersam Gerichte Karckensprake hadden laeten geschien, umme ihre toebehoerige gutt toverkopen, genandt Gossinck mit top, tweig, water und weide, nicht daervan uthbescheiden, so iss dann dorch tusschen spreken van Nabers unnd frunde
fol 18 v - sulcken koop und kersenbrandt verbleven, mit sulcken raet unnd middell dat die Moder und Kinder sich eerlick und wall als Moder unnd broder sich hebben ehrlick und fromlich hebben vorgedragen, allent der gestaldt dat die aldeste broder dat gutt Gossinck van der Moder und den anderen Dre Broders mit nahmen Jan, Hindrick und Harman, an sich hefft gekofft in sulcken gestaltt dat hie Gerdt Gossinck die alste broder alle schult, tende, tijns, rhente und schulde an sich hefft genahmen nichts darvan uthbescheidenn, dergestaltt und mit sulcken middell datt Gerdt die aldeste als Koeper den anderen Drien brodere und die Moder, die behort dat hofft tewesenn, eins voorall hefft angelavet te betalen und te geven die Summe dan Sechshundert Gulden offt vierhundert daler, darvan Geerdt die oldeste Sijn broders vorgeschreven hefft angelaevett vande Hovetsumme tebetalen unfeilbar die Summe van hundert dallers und der Moder ein Rosenobell, die welcke die Kinderen voer hebbenn uthbescheidenn und dat die Drei broders Henrich, Jan und Herman na untfanck
fol 19 - der erste angetogene summe up sulcke Summe van sesshundert gulden ontfangen hebben, dat sie alssdan die Moder van den guede Gossinck aff unnd wech nehmen sollen, und ehrlick verplegen und underholden, dat die oldeste broder Geerdt oick geen klagen sall hebben und die reste vande Sesshundert gulden teweten vijfftehalff hundert gulden, dat welcke het 17- Jair is sall verbijgaen sall die oldeste ne ummeganck aver ein Jair /: dat welcke het 17 Jaer is sall vorbijgaen: / betalen vijfftich daler tot Sesshundert gulden toe, offte Vierhundert daler, woe voer verhalt, mit dat die Moder mit Gert den oldesten Sohn sall blijven unnd wonnen und ihr recht und gerechticheit holden all solange als iss vorverhaelt, wie die Moder selffs bewilt hefft und goetlich overkommen is, in beiwesen die koernoten Herman Poelhuijss, Driess Boesen, Dierick Klumper und Herbert ten Groetenhuijss , die drie als Cornoten unnd noch Dierick Schomeker als ein werdt und mehr gude Luide, und si geschehen als boven ten huise van Derick Schoemeker und die principale
fol 19 v - mit ihr Marck undertekent den dit mach angaen, und solt alssdan die vorgenombde broder updracht doen nae Landtrechte, als men in den Ambte Bredevort schuldig is tedoen nae alter gewohnheit. Under stunt :
Dit is Gert Gossinck merck. Dit is der Moder to Gossinck marck
Dit is Hendrick Gossinck marck. Andries Boesen. Herman Poelhuijss, Dierick Schomaker mijn handt.
Harmen Gossinck Merck. Herbert Grotenhuiss merck. Jan Rump. Thomes Thomes Merck.
Bron: Henk Ruessink (transcriptie), ORABvt inv.nr. 389 fol. 18-19v
|
Achterhoek Ancestors
