| Notes |
- Juli 1565:
Ick Jacob van der Capellen Droste to Brefort do kondt und bekenne voir mij und min nakomlingen, dat ick in namen und van wegen des edelen und walgeboren hern Diderichs van Brunckhorst und Batenborch hern to Anholt, Bannerhern to Baer und Latum Panthern to Brefort mins edelen lieven hern hebbe vrij, quiet, lois und ledich gelaten, vrij, quiet, lois und ledich late in craft dieses briefs Lisken echte dochter Bernts und Jenneken ten Borninckhoff van alsolcher hofhoricheit dair mede zie sunst lange dem huse Brefort bewant und verplicht gewest is, also dat zie nu voirt an sich sall keren, wenden und geven mogen in wat echte off rechte hoir believen sall und hebbe dair voir und in oir stede in gelicker hofhoricheit ontfangen to ener rechter wederwesselunge und bute tot behoef des huses Brefort ontfangen Bele Peppincks, nu wonende upt Seggetfre die sich voir und in stede Lisken vurs. dem huse Brefort hofhorich gegeven heft, und gelave diesem nach voir mij und nakomenden Amptluden bemelter Liesken dieses wo vurs. ein waer to sin und warschap t doen als recht is nae dieses ort landes gewonte und gebruck, sonder argelist. dess in oirkondt der warheit hebbe ick Ampts wegen min siegel an diesen brief gehangen den letzten dach Julii A 1565.
Bron: Hofboek p. 445
|
Achterhoek Ancestors
