| Notes |
- Hofboek 1574:
Wilhm Koips in die echte gehilickt up ten gude Gussenclo und heft sich als wastinsich van den huse Anholt frij gekoft dair van hie segell und breve bijbringen sall inwendich ein maent tides bij verluis des hofrechtz und heft na den Gude Gussenclo sich hofhorich gegeven und sin hofrecht gewonnen.
Gussenclo die dochter uth der echte gehilickt.
Bron: Hofboek p. 597
16 augustus 1575:
So bij tiden des tho Brefort gewesen Drosten Jaspars van Brockheusen Derick ten Gussenclo an eine frie persone Bernt genant echte dochter Reiner Hoickinx und Heilken siner huisfrowen gehilickt gewest is, und dieselve tot sich upten gude Gussenclo gehalt heft doch des mishilickens und ongehorsamheit halven van berorten Drosten gescheiden und sich verdragen und sin hofrecht gewonnen und verwaret heft, Mit den bescheidt und verdrach dat Bernt sin huisfrowe vurg, frij sin und bliven sall, bij also dat einer van beiden kinderen als dat tot sin mondigen jaren gekomen is, na den hofgude Gussenclo sich hofhorich geven solde, widern inholts dair van gegeven segel und breve und dan nu Derick ten Gussenclo vurs. gestorven is und Wilhm Koips ein frij man an gedachte Bernt nagelaten wedwe seligen Derix vurs. weder gehilickt und tot hoir up den goede Gussenclo getogen is sonder an dem huse Brefort des afdracht gedaen to hebben, so heft hie Wilhm Koips vurs. derselven ongehorsamheit und mishilickens halven sich van den Edelen und walgeboren hern Jacob van Bronckhorst und Batenborch Soen to Anholt, in statt siner Edelh. her Vaders als Panthern etc., mit siner Edelh. voir wetten und verwilligungh verdragen und afdracht gedaen und sich voirt na den hofgude Gussenclo hofhorich gegeven des hofrechten gelick andere des huises Brefordt hofhorige luide to geneten und to misgelden, und ist mede verdragen und bewillet dat Bernt sin huisfrowe frij sall bliven, und so sie bij oren voirnman Derick vurs. twe kinder gewonnen heft und dan dieselven aflivich worden und verstorven, sall alsdan Wilhms und Berndt vurgemelts kinderen ener die sie nu ' t samen hebben of kompstich crigen mugen tot desselven mondigen jaren sich na den gude Gussenclo dem huise Brefort hofhorich geven, und die andere ore kinderen sollen vrij bliven. Allent sonder argelis. Actum den XVI. Augusti Anno (XVC.) LXXV.
Die edele und walgeboren her Jacob van Bronckhorst und Batenborch Soen to Anholt etc. in statt und mit voir wetten und verwilligungh siner Edelh. voirvaders hern Diderichs van Bronckhorst und Batenborch hern to Anholt, Bannerhern to Baer und Latum, Panthern to Brefort etc. heft Gerrit Menekinck frij, qwiet lois und ledich gegeven, gelaten und geschulden van solcher hofhoricheit dair mede hie sonst lange dem huise Brefort verplicht und verwant gewest is, und sin Edelh. hebben dair voir in ener rechter wederwesselungh ontfangen Wilhm. Koips tot behoef des huises Brefort die sich na den hofgude Gussenclo hofhorich gegeven heft, des hofrechten to genieten und tho misgelden gelick andere hofluide des huises Brefort doen, und sein Edelh. hebben demnha ergemelten Gerrit Menekinck dieser vurs. vrijlatungh gelaeft warschap to sin und t doen als deses ortes landt brucklich is, sonder argelist. actum den XVI n Augusti Anno (XVC.) LXXV
Bron: Hofboek p. 599, 600, 601
|
Achterhoek Ancestors
