| Notes |
- Hofboek 1574:
Grete, echte dochter seligen Wernner Stortelers und Gesken siner huisfrowen hofhorich dem huise Brefot verschennen tidt sich ehlich bestadet an enen frien man genant Kone Wissinck, und dair na bij der vorigen Pantheren der van Isendorn tiden up ein wederwessel derselver hoffhoricheit sich qwiet und lois gemackt, dar van der tidt segell und greve, als men geloeflich versteet, upgerichtet worden, die nu verlacht und in desen und verleden swinden geferlichen und wederwertigen tiden nicht tho bekomen noch tho vinden sint, dairbeneffens dan oick dat hofboick des huises Brefordt nachbrenget, dat upgemelte Grete Stortelers mit gnaden und consent des hern van ore hofhoricheit verwesselt, und in oir stede angenomen und getreden sij Hermanna ter Lobeeke et. Und dan ock upgenante selige Kone Wissinck und Grete Stortelers staender echtschap etliche kindere nemlich Herman, Nalcken, Jenneken und Wilhmken gewonnen und nagelaten hebben, der ondeils wal gerne hilicken solden willen, averst buten hebbende vrijbrieff sulches ongelegen und nicht wall doenlich, hebben sie vurgemeltes seligen Konen Wissinx und Greten Stortelers siner huisfrowen nagelaten kinderen in craft orer upgemelter seliger moder verwesselungh und vercrregen vriheit und sonst deses an den erentvesten und fromen Jacob van der Capellen als itzigen des huises Brefort amptman in statt und van wegen mins edelen lieven hern tho Anholt etc. Panthern etc. afdracht verwilligungh und consent gemackt und erlangt, dat sie buten einege enthgeltenisse, bespier of indracht van wegen des huises Brefort sich nu voirtan als frie lude sollen mugen kennen? und wenden in wat echte of rechte hen? believen sall, sonder argelist. ACtum den ersten dach juni Ao 1574.
Bron: RAG: Nassause domeinen inv.nr. 13b, fol. 585, 586
|
Achterhoek Ancestors
