| Notes |
- 15 juli 1623:
Johan Wolterinck, Lotte Swijtinck sijn huisfrow diewelcke sich mit authoriteit hares Mans und Mombaers uth haren vrijen standt na den Hoff thoe Wolterinck hoerich ergeven, der Hoffrechten gelijck andere Hoffhorige Personen te genieten und missgelden, Edoch een onbenoempt Kint vrij voerbeholden.
Bron: Hofboek Bredevoort 1598-1688
11 juli 1629:
Erschenen Johan Wolterinck Lotte eheluijde, die bekanden voer sich und haren erven, voer eene walbetaelte Somma geldes, rechtes steden ewigen und onwedderroeplicken erffkoops avergelaten und verkofft thoe hebben an haren respective Swager und broeder Herman Swijtinck, Geesken eheluijden und oeren Erven, eene Halve Hoijmate, die Hondarper Mate genant, daervan den Erffgenamen saligen Geerdt Wolterincks die ander Helffscheidt toebehoert, also dieselve in haer geheell inden Kerspell Aelten buerschap Barle, mit eener sijdt ant Barler Goer, mitter ander sijdt langss t' WijnVehne gelegen, mit eenen ende and Lichterinck Mathe, mitten anderen ende ant Goor bij den Nijen Dijck schietende, mit derselven toebehoer und gerechticheit, voer doerslechtich kommerfrij. Deses erfflick gecediert und uthgegaen. Daerop mit hant, halm und monde vertegen, wahrschap, verner und beter verschrijvong und erffvestniss gelaefft nae Landtrechte. Bij veronderpandung harer gueder. Sonder exception und argelist.
Bron: Henk Ruessink (transcriptie), ORA Bvt inv.nr. 402 fol. 55, 55v
|
Achterhoek Ancestors
