| Notes |
- 12 juni 1619:
Erschenen Johan ten Hinckamp, die bekande voer sich und sijn, Lijsken sijner huijssfrouwen und oeren erven, van Vader- und Moederlicker, sambt broeder- und susterlicken goederen wegen und aller sijner recht und gerechticheit sambt action und thoespruecks totten Erff und guede Hinckamps van sijnen broeder Wessel ten Hinckamp zaliger und dessen Soon Hillebrant ten Hinckamp (onderstreept: voort sijner affgestorvenen broederen und susteren Nalatenschaps) wegen eens voer all endtlick voldaen, entrichtet und betaelt te sijn. Bedanckte sich derselven goeder volnkomener betalungh, quitierende daerop in krafft deses, und hefft demnae Johan ten Hinckamp vorschreven, voer sich sijner huijsfrow und erven, in behoeff Lumme, wedtwe zaligen Wessels ten Hinckamp und harer Kinder und erven op dat Erve und guet ten Hinckamp, sambt alle Vaderlicke, Moederlicke, brueder- und susterlicke erffschap und nalatenschap, derselven toebehoer und gerechticheit mit hant, halm und monde vertegen, derselven waerschap, beter verschrijvong und erffvestniss gelaefft nae Landtrechte. (doorgestreept: Sonder exception und argelist.) Voerbeholden wat Johans Moeder hem hiernaest vanden oeren toesetten und vermaecken werden. Alles sonder exception und argelist.
Bron: Henk Ruessink (transcriptie), ORA Bvt inv.nr. 392 fol. 39v, 40
|
Achterhoek Ancestors
