Sweder Raesehorn

Notes:

27 januari 1534:
Ffrederick ende Anne, naghelaeten kynderen salijghen Sweder Raesehornss, metten selven Ffrederick, Annen vurs. broder ende gecoren momber, de oir met ordell ende met recht gegundt ende gegeven wort, hebben sich laeten inleyden inden erffhuess nae erffhuesrechte, alss daer Sweder salijger hoer vader inne verstorven is.

In denselven gherichte hebben Ffredrick ende Anna met horen momber vurs. gesubstituert ende volmechtich ghemaeckt in desse vurs. saicke Bernt Karnebeck, Amptman tot Ffreden, ende Johan them Toll, off ore ene vuer all t'done ende t'laeten, wynnen ende verlesen, ghelyck off dat Ffrederick ende Anna met oren momber vurs. in personen weren. Sunder argelist.

Item van de inleydynghe vurs. hefft Wyllem Schrayert, gesworen dess gherichtz, syne gicht gedraegen dat hie ene wette ghebracht hefft bynnen Dottinckhem in Johan Vyncken huess, als momber der ommondyghen kynderen salyghen Sweder Rasehornss ende Everharda van Heckeren, beyde mylder ghedachten, ende hefft de wette op ffrydaegenavont + post Blasij + tot sess uren Johanss vurs. wyff in syn hues in de handt ghedaen.
Bron: ADW, ORA Bvt inv.nr. 34, fol. 57

Sweder married Everharda van Heekeren Bef 1533. Everharda died Bef 1533. [Group Sheet]

Sweder married Wilhelma Meckinx Bef 1534. [Group Sheet]

Notes:

29 april 1534:
Wylhelma Meckinx, met Iserahell Ernstes horen gekoren ende thoeghelaeten momber, hefft overgegeven Ffrederick ende Annen, naghelatenen vuerkynderen salygen Sweder Rasehornss, alsoedane erve ende gueder, rede ende onrede, daer sie alss huesfrouw salygen Swederss vurs. vermitz synen doetlicken affganck mede beërvet mach syn gewest, nycht uitbescheyden.

Item, Dess synnen vorwerden ende iss bededynget tusschen Wylhelma vurs. ende dem momberen der kynder vurs., dat de momberen hoir ennss geven ende kommerffrij leveren ende betaelen sullen, tusschen Sant-Merten ende Kersmisse erstkomende, vyff ende dertig golt gulden off de gewerde. Item dem rynck, dem hoir salyghe Sweder gegeven hefft, sall sie oick behalden. Oick, soe eyn sylveren becker versat staet by Seyno van Welffelde, sult hoir de kynder ther stunt vrien ende then handen stellen. Oick iss belevet dat Wylhelma alle dessgoenss sy an salyghen Sweder ghebracht hefft, hetsy dan kleer, klenodij, huesraet, rackheit; voirtan all ander gueder, rede ende onrede, sall wederom met hoir uit dem huese trecken ende tot horen besten orber ende beleven gebruecken, bueten bekronen der kynder vurs.

Oick iss bededynget dat Wylhelma vurs. van salygen Swederss schulden, in't cleyn off groet, nicht overall betaelen sall.

In denselven gherichte hebben de momberss vurs., der weduen vurs. t'borghe gesat, Evert van Rede, die gelaefft hefft dat der weduen de 35 golt gulden op termynen vurs. sullen uitgericht ende betaelt worden. In ghelycken van den sylveren becker, dat hoir de oick then handen sall gestalt worden.

In denselven gherichte hebben gelaefft Reyncken Rasehorn ende Henrick, syn sonne, ende Johan ende Henrick them Toll, gebruder, dat sie Everde van Rede van alsodane loffte schadeloess halden wyllen.
Bron: ADW, ORA Bvt inv.nr. 34 fol. 73

Sweder — . [Group Sheet]

1. Frederick Raesehorn was born Bef 1514.
2. Anne Raesehorn was born Bef 1534.

Other Events:

• : drost en richter van Bredevoort, drost van Lichtenvoorde

Notes:

Dat goet tot Rensinck, in den kerspel van Winterswick gelegen, tot conen borchleen te Bredevoort, tot Zutphenschen rechten ontfinck
Reynken Raeshorn beleent met dat borchleen ende goet, geheiten Rensynck, gelegen in den kerspel van Winterswick, in der buerschap van Miste, anno 1532.
Bron: J.J.S. Sloet, J.S. van Veen: Register op de leenaktenboeken van Gelre en Zutphen